DEBEKATUTA jolastea!

BEGIRATU ONDO ARGAZKI HONI!

Bai! Gaur egun ere gure kaleetan ikus ditzakegu "Debekatuta jolastea" esaten duten kartelak! Ikusitako irudia, BILBOKO plaza batean jarrita dago, beraz, horrelako kartelak guk espero dugun baino hurbilagoak daude.

Harritzekoa da gaur egun oraindik kartel hauek kaleetan ipinita jarraitzea. Ondoren, kritikatzen dugu  umeak etxeetan geratzen direla eta hori eragiten duen guztia. Baina, argi dago, guk ere kontraesanetan erortzen garela.

Kontuan izan behar dugu, JOLASTEA guztion eskubide bat dela eta ez pribilegio bat!

Durangoko azoka

Laster, urte guztietan bezala, Euskal Liburu eta Disko azoka ospatuko da, Durango herrian. Urtero bezala, abenduaren lehenengo hamabostaldian Landako Erakusazokan egiten da. Aukera paregabea da, EUSKARAZKO produktuak ikusi eta erosi ahal izateko.

Durango apurka-apurka liburu eta diskoez harago, euskal kultur eragileen topagune bihurtzen ari da. Urtero ekintza gehiago eskaintzen dira, beraz, oso egokia da haurrak eta gazteak hara joatea. Horrela,  gazteak Euskal kulturarekin harreman estuak lortzen dute.

Durangoko azokan eskaintzen dituen produktuak: http://www.katalogoa.org/

- Musika

- Filmak

- Informatika

- Aldizkariak

- Komikiak

- Liburuak

- Gurasoentzako materiala

- JOSTAILUAK ETA JOKOAK

- ...

Beraz, animatzen zaituztet abenduko zubian Durangora hurbiltzea eta azokara joatea!

ANIMATUUUUU!!!!!!

Jostailuak

Jostailuek bete beharko lituzketen irizpide edo ezaugarriak:

• Kalitate materiala: Jostailuek seguruak izan behar dute eta ez dute haurrentzako arrisku potentzialik sortu behar.
• Kalitate formala: Alde batera utzi jostailu sofistikatuak. Harmoniatsuak eta estetikoak izango dira formari eta koloreari dagokionez.
• Kalitate hezitzailea: Ezinbestekoa da jostailua haurraren adinera egokitzea.

Jostailu gutxiegi izatearen ondorioak:

1. Desberdintasun sozial handia: Nahi duen jostailua edo modakoa eskuratu ezin duen haurra, haur "pobrea" da lagunentzat, eta "desberdina".
2. Kultura eta heziketa desberdintasun handia: Jostailuak haurren gaitasunen garapen osoa bultzatzen badu, jostailuak ez dituzten haurrek besteek baino garapen-kondizio kaskarragoak izango dituzte.
3. Desberdintasun afektibo handia: Helduak jostailuaz egiten duen erabilera okerretako bat balio negatibo batzuk islatzea da.  Adibidez: gurasoak, modako eta jostailu asko oparitzen dietenean haurrei "maite dutela" adierazten du eta kontrakoa gertatzen denean "ez dutela hainbeste maite".

 

Haur hezkuntzako goi-mailako ziklotik ateratako teoria.

Metodo de clasificación ESAR

ESAR: "E" ariketa-jolasa, "S" jolas sinbolikoa, "A" ahozkatzeko jolasa (eraikuntzakoa) eta "R" arauzko jolasak. 
___________________________________

Tipos de juguetes

Área de Desarrollo fomentan:

Motricidad:
o Gruesa: Precisión y coordinación de movimientos
o Fina: Que inciten a la precisión y coordinación de movimientos.

Sociabilidad: Los que ayuden a mover los dedos de manera cada vez más precisa.

Inteligencia: Los que impliquen la participación de varias personas.

Creatividad: Todos aquellos que inviten a pensar de manera más o menos elaborada.

Afectividad: Los que despierten sentimientos de apego.

Lenguaje: Potenciadores del lenguaje.




 http://www.educacioninfantil.eu/el-juguete/

Gabonak eta publizitatea

Gabonak hurbildu ahala, jostailuen publizitatea gora egiten du oso nabari.

TELEBISTAKO PUBLIZITATEAREN ERAGINA HAURRENGAN:

Edertasunaren ereduez gain, publizitateak haurrengan duen eragina ere aipatu behar da, zeren, telebistako propagandetan ere erakargarritasunaren eta edertasunaren eredu berberak erabiltzen bait dira.

Eragin horren arrazoiak hainbat dira, baina, batzuk aipagarriagoak dira, zeren haurraren asimilazio-prozesuan eragiten bait dute:

• Iragarkiak erraz erakartzen du haurraren arreta.
• Haurrek iragarki osoan zehar mantentzen dute arreta.
• Iragarkiak maiz errepikatzen dira.

Iragarki gehienetan, haurraren arreta erakartzen duten musika erakargarria, kolore biziak eta, normalean, etengabe mugitzen diren pertsonaiak agertzen dira.

Gainera, haur txiki batentzat, publizitatea dioena egi hutsa da.



Publizitatean ez dute jostailu bakarra erakusten (banatuta saltzen diren hainbatekin batera erakusten dute). Eta lehen aipatu dudan moduan, haur batzuentzat publizitatea diona egi hutsa da, beraz, oparia hartzean edo jostailua erostean, publizitatean ikusitako guztia nahi eta espero dute.

Eta garestiak izaten dira, prezioa letra txikietan agertzen da. Baina prezioa edo jostailuak banatuta saltzen direla idatzita agertu arren, haurrei iragarkian agertzen den jostailuaren irudia, soinua eta mugimenduak soilik begietatik sartzen zaie eta ez letra txikiz idatzitako testua.  Hots, iragarkian agertzen diren testuak ez dute umeengan ezer eragiten eta ez dira oroitzen.

Gainera, jostailuen iragarkiak oso sexistak dira.

Bukatzeko, esan dudan moduan, iragarkiak oso ondo egindak daude eta umeen arreta mantentzeko hainbat gauza erabiltzen dute (soinua, kolore biziak, mugimendua, efektu irrealak), umeak liluraturik utziz.

Hemen dituzue adibide batzuk:

http://www.youtube.com/watch?NR=1&v=A5cL7tIl_qg

http://www.youtube.com/watch?v=DNZspaRjiEU

http://www.youtube.com/watch?v=1FPi4gQ5k0k&feature=related

http://www.youtube.com/watch?v=z9LmCypaU0o

Telebista orduak gora eta eskolako notak behera

Hainbat ikerketa diote, telebista aurrean ordu asko ematen dituzten haurrek eragin txarra izan daitekeela.

Telebista gehiegikeriak adimen geldotasuna sor dakieke gaztetxoei. Telebista familiakoa bihurtu da etxe askotan eta txikienek gustuko dute, gehiegi askotan. Erabileraren arabera, izugarri ona izatetik izugarri kaltegarria izatera pasatu daiteke haurrentzat.
Adituen esanetan, telebista ikusten irakatsi egin behar zaie. Esaten dutenez, haurrek egunero bi ordu baino gehiago pasatzen badituzte telebista aurrean, beren ikasketak kaltetu egin daitezke. Telebista orduek gora egin ahala, notek behera egiten dute.
Ikerketa askok esaten dutenez, ordu asko pasatzen dituzten haurrek arazoak izan ohi dituzte ikasketa prozesuan. Neskak zein mutilak berdin jasaten dituzte komunikabidearen eragin txarrak. Telebistaren aurrean dagoen umeak irudiak eta soinuak jasotzen ditu inolako ahaleginik egin gabe.
Adituek muga desberdinak jartzen dituzte telebista ikustearen ordu kontuan, betiere adinaren arabera eta ume bakoitza desberdina dela ahaztu gabe. BI URTE BAINO GUTXIAGOKO haurrek, esaterako, telebista ikustea ez dela batere komeni nabarmendu dute, adin horietan umeak ikusten duen guztia imitatzen duelako.
HIRU URTETIK ZORTZI URTERA BITARTEAN, asko jota eguneko ordubete ikus dezake gaztetxoak telebista, eta beti ondo aukeratutako saioak eta gurasoak alboan dituela. HORTIK AURRERA, eta NERABEZAROAN BITARTEAN, bi ordutik gora ikustea <<oso kaltegarria>> izan daitekeela. 
Oso interesgarria eta garrantzitsua iruditu zait artikulu honetan aipatzen den guztia. Artikulu hau irakurtzean, esan beharra dut. Guraso askok ez dakite zer nolako eragina duen telebista euren haurrentzat. Kontua ez da zer ikusten den, telebistaren aurrean igarotzen den ordu kopuruan baizik. Telebista gehiegi ikuste soila, arriskutsua izan daiteke.
Hobe da, ipuin bat irakurtzea telebistan filmea ikustea baino. Umeak ipuin bat entzuten ari denean, pertsonaiak eta lekuak nolakoak diren pentsatu behar du, kontatzen diotenari forma, kolorea eta soinua eman behar dizkio, sormena landuz. Eta hori oso ariketa onuragarria da. Aldiz, telebista ez dio halako ahaleginik eskatzen. Haurrari kalteak sortuz.
Laburbilduz, kontuz ibili behar da umeak telebista aurrean pasatzen dituen orduekin eta nire proposamena zera da, ipuinak irakurtzea onura gehiago egingo dio eta.
Goiko artikulu hau, euskaltegiak irakurmena lantzeko jaso nuen. Oso interesgarria iruditu zitzaidan momentu hartan eta gordetzea erabaki nuen. Interesgarria eta baliagarria iruditzen zaidanez, zuekin partekatzea erabaki dut.