Bideo-jokoen ondorio negatiboak eta positiboak

 

You tuben aurkitutako bi bideo jartzen dizuet.
Bideo hauetan bideo jokoek erabiltzeagatik sortzen dituzten ondorio negatibo eta positibo batzuk aipatzen dira.

Adin txikiko haurrak

Protégeles y Civértite elkarteak eginiko azterketaren arabera:

Consumer aldizkaritik ateratako informazioa.

Bideo-jokoak

AHOLKUAK:

• Bideo-jokoak haurraren aisialdiaren osagaietako bat izan daitezke baldin eta aberasteko elementutzat jotzen badira, eskaintza zabal baten barruan.
• Jokoen klasifikazioak eta pribatutasun adierazpenak ezagutu behar dira; era berean, online jolas-guneen erabilera onargarrien nolakotasunak begiratu behar dituzte helduek.
• Seme-alabek aukeratzen dituzten joko eta jolasak eta jolaskideak begiratzea komeni izaten da.
• Hobe jokalari edo jolaskide bat baino gehiagoren parte hartzea bideratzen duten bideojokoak baliatzea.
• Bide-jokoak erabiltzeko denbora mugatzea komeni da: egunean 30-60 mininutu.
• Mesedegarria da talde-jokoa sustatzea.
• Jolasak eta baliabideak aldatu behar direnez, haurra jolasez eta jolas-objektuez alda dadin ahalegindu beharko du helduak.
• Ez da komeni pantaila handiko telebistak baliatzea.
  
  
  
  
  Consumer aldizkaritik ateratako informazioa.
  
  Hona hemen Eroskik eginiko dokumentu interesgarri bat, gurasoentzako gomendagarria da!
  http://www.eroski.es/files/Pdf/infojuego/eu/digital.pdf

NESKAK on line jolasteko jokoak

Genero desberdinketa gaia jarraituz... NESKENTZAKO hainbat web orri aurkitu ditut internetik ibiltzean.

Hasiera batean, harrituta gelditu naiz, ez nekien horrelakorik zegoenik... On line jolasteko web orrien jokoak, normalean, denetarik (estrategia, logika, kirolak, kartak, musikazkoak...) agertzen da. Baina web orri hauetan ez! Neskak on line jolasteko jokoak dira eta jokoen kategoriak begiratzea eta hausnartzea gonbidatzen zaituztet. Ea zer deritzozue!

Begiratu dut, ea MUTILENTZAKO soilik jolasteko web orririk badagoen, baina bilatutako web orrietan joko desberdinak eta denetarikoak agertzen dira.

Beste sarreretan aipatu dudan moduan, gaur egun gure gizartean sexu bereizketak egiten jarraitzen da eta web orri hauek argi eta garbi frogatzen dute.

http://www.xn--juegosdenias-jhb.com/
http://es.yupis.org/juegos-ninas/

http://www.juegoswapos.es/juegos-de-ninas.html
http://www.pequejuegos.com/juegos-ni%C3%B1as.html

 Zer deritzozue?

Ipuinen azterketa kritikoa

Genero bereizketari buruz hitz egiten ari naizenez, burura etorri zait Haur Hezkuntzako goi-maila zikloa egin nuenean, ipuinen azterketa kritiko bat egin nuela. Oso interesgarria iruditzen zait ipuinen azterketa hau egitea eta honi buruz irakurtzea. Egia da, lehengo film askotan genero bereizketa egiten zirela baina kontuan izan behar da ere, balore asko lantzen dituztela ere. Beraz, film hauek, sexistak izan arren garrantzitsuak eta komenigarriak dira haurrei erakustea, baina beti landuko eta indartuko dugu beste kutsu ez sexistak.   

Nik aukeratutako ipuina (Disney filma) Edurne zuri izan zen. Hemen jartzen dizuet nik egindako azterketa kritikoa:

Ipuin honek garrantzia handia ematen dio, batez ere, edertasunari. Hasteko amaordea ispiluari egunero galdetzen dio, nor den erreinuko ederrena. Ondoren, emakumeak argalak, altuak, ederrak, ezpain gorri gorriak, begi handiak, ile ederra, ahotz fina eta ederra... Mutilak aldiz; altuak, argala (printzea), indartsuak, dotoreak, ahotz ederra... Abesti baten barruan zera dio printzea, printzesataz maitemindu dela bere edertasunarengatik eta bere ahotz zoragarriarengatik.

 Genero berezitasunak agertzen dira, adibidez: Neskak beti soineko ponpoxoekin ibiltzen dira (hasieran edurne zuri trapu zaharrekin baina, hala ere, gona darama eta ez praka), ondo jantziak. Mutilek aldiz, praka, alkandora, txapela...  

Lanetan ere, berezitasunak agertzen dira gizonezkoak lanera joaten dira eta emakumeak etxeko lanak (etxea garbitu, harrikoa egin, josi, janaria prestatu...)   egiten dituzte (etxean emakumerik ez badago etxea zikin-zikin eta nahaspilatua dago) edo loreak batu...  

Pertsonalitatez ere, emakumea beldurtia, negartia, arduratsua (etxeko lanekin, gorputzaren garbiketarekin...) eta errugabea agertzen da eta gizonezkoak aldiz, ausartak, ez dira garbitzen (gauza horiek emakumenezkoak direla esaten du ipuina)... hala ere, gizonak tristura  eta ahultasuna erakusten dute, negarrez agertzen dira ( edurne zuri hilda zegoela uste zutenean eta ehiztaria edurne zuri hil ezin duenean) horrez gain, amodioetako istorioak ere gustokoak dute eta aurpegiarekin ere keinuak ipintzen dute, adibidez; hasperenak botatzen dute, Edurne Zuriren musuak eskatzen...

Generoaren arabera mugimendu desberdinak egiten dute istorioaren pertsonaiak, adibidez: Edurne zuri dantzatean soinekoa ebatzen du, Edurne zuri zaldiaren gainean igotzen denean albo batera begira eseritzen da, printzipea eskuetan hartzen du Edurne zuri, zazpi ipotxak afaltzera doazenean oso arrapaladan, txarto jarriz egiten dute...

Amaitzeko, zazpi ipotxak lanean daudenean erloju baten soinua entzuten da eta erlojuaren barrutik bi panpin agertzen dira. Panpin horiek bi gizonezkoak dira metal bati kolpeka, lanean bezala, eta ez da emakumezkorik agertzen.

 Amodioa ere gai oso garrantzitsua da ipuin honetan. Printzesa printzearekin eskondu behar da. Edurne zuri bere printzearekin amets egiten du. Printzesa printzeari itxaroten dabil bera bilatu eta beregana heldu arte. Printzea printzesarekin eskondu eta bere gastelura eramango du eta pozik biziko dira betirako. Lehengo musua. Printzea printzesa eskuetan hartu. Printzesa balkoitik printzeari begira.

 Dirua eta erlijioa azaltzen da, beste modu batean. Zazpi ipotxak lanean daudenean, abesten agertzen dira eta abestian zera esaten dute, “zuloak egin, zuloak egin diru gehiago edukitzeko”. Oso desberdindua dago printzeak eta langileak. Eta erlijioaren gaia, Edurne zuri ohera doanean agertzen da ohearen aurrean otoitz egiten, jaunari gauzak eskatzen eta zazpi ipotzak aldiz, ez dute otoitzik egiten.

Eta filma ikusteko:

Sexismorik gabeko hizkera

Consumer aldizkarian, artikulu interesgarri bat aurkitu dut sexismoari buruz eta nire blogean sexismoari buruz hitz egin dudanez, oso aproposa iruditu zait. Beraz, animatu zaitezte irakurtzera!!!

Hemen uzten dizuet link-a:

http://revista.consumer.es/web/eu/20050201/miscelanea1/69540.php

Genero berdintasuna

Sexismo hutsa

Haurra amaren barruan dagoen momentutik, sexua jakin nahian ibiltzen gara.

“Zein da bere sexua?”

“Mutila ala neska da?”

“Neska bada... nola deituko diozue?”

“Eta mutila bada...?”

Eta jaiotzen denean, sexua ere agertzen da. Arropan batez ere, nesken arropen kolorea arrosa eta mutilena aldiz, urdina. Erregaluetan ere, sehaskako haurtxoari kutsu sexistako jostailuak oparitzen diete.

Haurtzaroan, jostailu motetan eta antzinako filmetan (adibidez: Disney filmak) ere agertzen da sexismoa. Jostailuetan, neskei panpinak, etxetxoa, apaintzekoak... ematen diete, hau da, erakargarriak eta etxekoandre onak izateko jostailuak. Mutilei aldiz; autoak, itsasontziak, tankeak, pilota... ematen diete. Hots, mutikoei jostailu beliko eta bortitzagoak jasotzen dituzte, beti borrokarako prest dauden indartsuen eta agresiboen estereotipoa adierazten dutena..

Baina sexismo kontu hau... helduen, gizartearen eta kulturaren gauza da. Umea ez du etiketa horiek aukeratzen, helduek baizik. Haurrari berdin dio arropako kolorea, jostailuak... Eta helduek gaizki jokatzen dute, haurra neska ala mutila izan, joko bat ala bestea erakutsi eta jostailu bat ala bestea eskaintzen diotenean.

Nola jakin jostailua sexista den? Sexistatzat hartzen dira generoen arteko diskriminazioa betikotzera eta areagotzera daramatenak. Badaude, halako desberdintasunik egiten ez duten jostailu batzuk. Baina jostailu horiek ez dira hain esanguratsuak haurrentzat, ez helduentzat, eta jostailu salduenen zerrendan ez dira agertzen: puzzleak, margotzeko jokoak, mozorroak, adierazpen-jokoak, hiztegia lantzekoak, galderak eta erantzunak, txotxongiloak...

Jostailuaren aukeraketa, haurraren garapena ondorioztatzen du, batez ere, garapen kognitiboan eta ikaskuntza sozialean:

Mutilak txikitatik dituzten jostailu gehienak eraikitze-beharrei lotutakoak izateak (muntagarriak, pistak, lasterketa zirkuituak, lanabesak...) ikaskuntza mekanikoa bultzaten du, eta ezkerreko hemisferioko neurona-konexioak garatzen ditu.

Neskei eskaintzen zaizkien jostailu gehienak pieza mekaniko handirik gabekoak eta balio afektibo nabarmenekoak izateak (panpinak, sukaldeko, etxeko lanetarako edo edergintzako tresnak...) oztopatu egiten dizkie ezkerreko hemisferio hori garatzeko aukerak, eta hasieratik desabantaila handia dute beren ikaskuntza kognitiboan.

ONDORIOAK: Hasieran oharkabean igarotzen den bereizketa horrek eremu sozialean duen ondorioa da sexu bakoitzak joera garbi bat hartzen duela: Gizonezkoek karrera jakin batzuk edo ikasketa teknologikoak hautatzen dituzte eta emakumezkoek ikasketa sozialak eta humanistikoak.

Hona hemen You Tuben aurkitutako abesti bat:

Gizarte Kontsumista

Antzinatik, gure gizartea kontsumista izan da. Gero eta gauza berriago asmatu egin dira eta, gero eta, kontsumista handiago bihurtzen ari gara. Behar ez ditugun hainbat gauza erosten ditugu eta, gainera, pentsatzen dugu behar beharrezkoak direla edo gero eta gauza gehiago izanda hobe biziko garela, materialista hutsak bihurtuz.

Baina bizimodu hau (kontsumista eta materialista), ohiturekin eta sinesmenekin gure hurrengokoei ere pasatzen ari gara, hauei ere kontsumistak eta materialistak bihurtuz. Adibidez:

Gaboneko ohiturarekin, Olentzero sinesmena dela eta, umea ondo portatze bada eta azkenean, txarto portatzen bada ere umea nahi duen oparia eskatzen du (kontsumismoa). Eta gehienetan, umea eskatutakoa lortzen du. Eta gurasoek edo familia, umea eskatutako guztia ematen saiatzen dira. Maitasuna erregaluekin adieraziz (materialismo hutsa).

Publizitatea indar handia du eta jostailuen iragarkiak oso ederrak, tentagarriak eta harrapatzaileak egiten dituzte, umeak liluraturik utzita eta horren nahiarekin. Bakoitza bere produktua saldu nahian eta bere produktua behar-beharrezkoa dela salduz (kontsumismoa sustatuz).

Guzti honekin esan nahi dudana zera da, ondo dago umea noizbait opari bat eskatzea eta eskatutakoa lortzea, baina beti umea nahi duena ematea ez. Umea ikasi behar du jostailuzko opariak ez direla munduko gauza bakarra eta hainbat opari mota daudela, oso dibertigarriak eta kontsumismoa sustatu gabe. Ulertu behar dute, jostailuzko erregaluak oparitzen ez badira, gurasoak edo familia berdin maite diotela. Opariak eta maitasuna ez dela gauza bera.